D Fasnacht 2022 - was seume derzue säge.
Es het sehr guet do mau wieder vor Fasnächtler z spile, id Kostüm z schlüpfe und sich mau wieder so richtig chönne loh goh. D Fasnacht isch zwar ou das Johr no liecht vom Coronavirus beiflusst worde, sodass das Johr aues chli angers isch gsi. Angers Programm, angere Platz, vili wo pousiert hei, etc.
Uuuund mir si chli us der Üebig. Darum heimers zum Teil chli verhängt ou es paar Fotos z mache. Darum sis darum chli weniger.
Uftritte:
Dorfbeizli, Bützberg
Kaffee-Fabrik, Langenthal
Platzkonzert Alte Mühle, Langenthal
Aschliessend Beizenfasnacht
Merci hie ou a Fotograf, wo bir Aute Mühli die coole Fotos gmacht het!
Und bitte üse toll Instrumänteboum beachte :D
Am Sunnti heimer diversi Uftritte ide Beize z Langethal gmacht, ir chline Konstallation wiemer das Johr si gsi heimer dert gäbig inepasst.
Zum Start simer bi zwöi vo üsne Pousierende goh spile. Si heisechs de nid loh näh und hei glich es paar Lieder mitgspiut. Ou ufem Festareal heimer e Uftritt gmacht uf der Rithalle Bühni.
S Znacht hets am Sunnti im Bäre gäh. Speziell isch üs das komische Gmüesli in Erinnerig blibe. Es isch lang es Rätsu gsi, was das komisch seu sii. De Usdruck "Schwanzgemüse" het lang d Rundi gmacht, derbi isches eifach es Radisli gsi.
Obe heimers scho erwähnt gha... Mir heis komplett vergässe Fotos z'mache.